आफैँ राजीनामा नदिने कांग्रेसका मन्त्रीहरूको अडान
नेपाली कांग्रेसको पदाधिकारी तथा पूर्वपदाधिकारी बैठकमा सभापति शेरबहादुर देउवाले पछिल्लो राजनीतिक परिवेशको ब्रिफिङ गरेका छन् । प्रधानमन्त्री पुष्पकमल दाहाल ‘प्रचण्ड’ ले गठबन्धन तोडेको देउवाले सुनाएका छन् । उक्त बैठकमा पार्टीका मन्त्रीहरूले आफैँ राजीनामा नदिने निचोड निकालिएको छ । प्रचण्ड सरकारमा कांग्रेसका ८ जना मन्त्री छन् । आजै एमाले-माओवादी-रास्वपालगायतको नयाँ सत्ता समीकरण बन्ने पक्कापक्की भइसकेको छ । सानो आकारको मन्त्रिमण्डल आजै गठनको तयारी छ । जनमत, जसपा र नाउपा संवादमा छन् । गठबन्धन भत्किएसँगै उपसभापति एवं कानूनमन्त्री धनराज गुरुङ गाडीको झण्डा छोपेर देउवा निवासबाट बाहिरिएका छन् । बैठकपछि रमेश लेखकले भने, ‘अब हामी प्रतिपक्षमा रमाउँछौं । नयाँ रणनीति पनि केही छैन ।
