रुसमा २५० बढी नेपाली सम्पर्कविहीन
नेपालबाट भिजिट भिषाको माध्यमबाट दलालले रुस पुर्याएका झण्डै २ सय ५० नेपाली युवा सम्पर्कविहीन छन् । त्रिभूवन विमानस्थल अध्यागमन कार्यालका कर्मचारीले दलालमार्फत सेटिङमा भिजिट भिषाबाट दुवई हुँदै रुस पुगेका उनीहरु सम्पर्कविहीन भएका हुन् । परराष्ट्र मन्त्रालयका अनुसार रुस(युक्रेन युद्धमा १२ नेपालीको मृत्यु भइसकेको छ । परराष्ट्र स्रोतका अनुसार रुसमा पुगेका नेपालीको संख्या करिव १ हजार ५ सय छ । ती नेपालीलाई देश फर्कन सहज छैन । जसका कारण युद्धमा थप नेपाली युवाको मृत्यु हुने देखिन्छ । बिचौलिया र दलालमार्फत एयरपोर्टबाटै प्रतिव्यक्ति १ लाख ५० हजार रुपैयाँसम्म लिएर भिजिट भिषामा यहाँबाट दुवई लगेर राख्ने र त्यहाँबाट युद्धग्रस्त देशमा नेपाली युवाहरु पठाउने गरिएको छ ।
