पूर्वडीआईजी छविलाल जोशीको घरमा प्रहरीको छापा

 

 

नेपाल प्रहरीका पूर्वडीआईजी छविलाल जोशीको काठमाडौं शंखमुलस्थित निवासमा प्रहरीले छापा मारेको छ । उक्त निवासमा रहेको नेचर हब इन्टरनेशनल नामक कम्पनीको कार्यालयमा बुधबार साँझ प्रहरीको टोलीले छापा मारेको हो । जोशी पोखराको सूर्यदर्शन सहकारी ठगी प्रकरणका मुख्य अभियुक्त तथा फरार रहेका गितेन्द्रबाबु (जीबी) राईका व्यावसायिक साझेदारसमेत हुनुहुन्छ ।

जोशीकै साझेदारको निवासमा रहेको नेचर हबको कार्यालयबाट सहकारी सम्बन्धी महत्वपूर्ण विवरणहरू भएको सर्भर बरामद गरिएको प्रहरी स्रोतले जनाएको छ । पूर्वडीआईजी जोशीले बुधबार राति नै सामाजिक सञ्जालमार्फत उक्त घर आफ्नो निजी नभएको र व्यावसायिक सम्पत्ति रहेको दाबी गर्नुभएको छ । इन्टरपोलको फरार सूचीमा रहनुभएका राईलाई पक्राउ गरी ल्याउन डिफ्यूजन नोटिससमेत जारी भइसकेको छ ।