सांसद विनोद चौधरीले गराए देउवाको ध्यानाकर्षण
उद्योगपति अरुणकुमार चौधरीलगायतलाई सीआईबीले पक्राउ गरेको विषयमा नेपाली कांग्रेस संसदीय दलको बैठकमा कुरा उठेको छ । आजको बैठकमा कांग्रेस सांसदसमेत रहेका अरुणका दाजु विनोद चौधरीले पक्राउ र सम्भावित परिस्थितिबारे संसदीय दलको ध्यानाकर्षण गराएका हुन् । सांसद चौधरीले संसदीय दल र नेतृत्वको ध्यानाकर्षण गराएको थिए । ‘विनोद चौधरीले आफ्ना कुरा राखेपनि पार्टीले कुनै आधिकारिक धारणा बनाएको छैन । नेता र सांसदले गम्भीरतापूर्वक सुनेको स्रोतले बताएको छ । चौधरीले बाँसबारी छाला जुत्ता कारखानाको निजीकरणदेखिका सबै प्रक्रियाहरूको बारेमा जानकारी गराउँदै आफूहरूमाथि योजनाबद्धरूपमा हमला गरेको विषयमा दलका नेता शेरबहादुर देउवाको ध्यानाकर्षण गराएका थिए । सांसद सुनील शर्माका अनुसार चौधरीले ४२ सालमा खुल्ला प्रतिस्पर्धाबाट शेयर किनेको बैठकमा जानकारी गराएका छन् । मीनबहादुरको गिरफ्तारीदेखि अहिलेसम्म ठूला ठूला उद्योगपति ठूला घरानाहरू गिरफ्तार, ह्याराश, अण्डरटेबल डिल गर्ने प्रचण्ड र नारायणकाजीको डिजाइन भएको उनको आरोप थियो ।
