कांग्रेसको घातलाई गम्भीररूपमा लिएको छु : प्रचण्ड



 

 

कोशीमा भएको फ्लोर क्रसको विषयलाई लिएर असन्तुष्टि जनाउँदै प्रधानमन्त्री पुष्पकमल दाहाल ‘प्रचण्ड’ ले कांग्रेस सभापति शेरबहादुर देउवालाई फोन गरेका छन् । गठबन्धनबाट फ्लोर क्रस भएपछि गठबन्धनतर्फ माओवादीकी उम्मेदवार चम्पादेवी कार्कीलाई हराउँदै एमाले राप्रपा गठबन्धनको तर्फबाट एमालेकी रुक्मिणी कोइरालाले जित निकालेपछि प्रचण्डले असन्तुष्टि जनाएका हुन् । फोनमा प्रचण्डले आफूहरू इमान्दार हुँदा पनि कांग्रेसबाट पटकपटक भएको घातलाई गम्भीर रूपले लिएको भन्दै असन्तुष्टि जनाएको स्रोतले बतायो । प्रचण्डको भनाइ उदृत गर्दै स्रोतले भन्यो, ‘राष्ट्रियसभाको निर्वाचनमा मात्रै होइन, पटक पटकको निर्वाचनमा कांग्रेसबाट घात हुँदै आइरहेको छ । हामी इमान्दार हुने, तर कांग्रेसबाट घात भयो । प्रचण्डले असन्तुष्टि जनाएपछि देउवाले जवाफमा भने, शेखरले हो शेखरले । देउवाको जवाफपछि प्रचण्डले शेखर होस् वा गगन जसले भएपनि कारबाही गर्न भनेका छन् । प्रचण्डले असन्तुष्टि जनाउँदै थपे, ‘कोशीमा मात्रै होइन अरु प्रदेशमा पनि हामीले नेकपा एसबाट पूरै मत दिँदा भोट क्रस भएको छ । अन्त फरक धेरै भएकाले जित्न सकेनन् । यसअघि हामीलाई मुख्यमन्त्री दिने बेलामा पनि एमालेसँग मिलेर सरकार बनायो । अहिले पनि हाम्रो उम्मेदवारलाई हराएको सामान्य कुरा होइन यसलाई गम्भीररूपमा लिएको छु । कांग्रेसबाट निरन्तर घात हुन थालेपछि प्रचण्डले गठबन्धनमा भएको आलोपालो सहमतिअनुसार सत्ता हस्तान्तरणको बेलामा इमान्दार नहुनसक्ने चर्चा चल्न थालेको छ ।

प्रतिक्रिया दिनुहोस
सुदूरपश्चिमको मुख्यमन्त्रीमा नाउपाकै कैलाशको पनि दाबी

    सुदूरपश्चिमको मुख्यमन्त्रीका लागि नागरिक उन्मुक्ति पार्टीका कैलाश चौधरीले पनि दाबी गरेका

ग्लोबल आइएमई बैंकको “पैसा आउने, थपेर पाउने” योजना

      ग्लोबल आइएमई बैंक लिमिटेडले बैंकिङ्ग प्रणालीमाफर्त हुने रेमिट्यान्स कारोबारलाई प्रवद्र्धन

कांग्रेसले सदनमा कुण्ठा पोख्यो : ओली

    नेकपा एमालेका अध्यक्ष केपी शर्मा ओलीले कांग्रेस संसदीय मर्यादामा चल्न नसकेको

अत्यावश्यक बाहेक घरबाट ननिस्कन इजरायलमा रहेका नेपालीलाई दूतावासको आग्रह

    इजरायलस्थित नेपाली राजदूतावासले त्यहाँ रहेका नेपालीहरूलाई स्थानीय सुरक्षा प्रोटोकलको पालना गर्न