मधेसमा एमाले जिल्ला अधिवेशनको मिति तय



 

नेकपा एमाले मधेश प्रदेश कमिटी कार्यालय ( पदाधिकारी)को बैठकले मधेशका आठ वटै जिल्ला कमिटीको जिल्ला परिषद् र जिल्ला अधिवेशन सम्पन्न गर्ने निर्णय गरेको छ । जनकपुरधाममा बसेको बैठकले महोत्तरीको माघ २२ र २३, रौतहटको माघ २५ र २६, पर्साको माघ २८ र २९ गते र बाराको फागुन १२ र १३ गते हुने जिल्ला अधिवेशन भव्य बनाउन सम्बन्धित जिल्ला कमिटीलाई निर्देशन दिएको छ । सर्लाही, धनुषा, सिरहा र सप्तरीको जिल्ला अधिवेशन चैतको पहिलो हप्ताभित्र गरिसक्न जिल्ला कमिटीलाई निर्देशन दिएको एमाले मधेस प्रदेश कमिटीका सचिव मनोज पौडेलले बताए । बैठकले जिल्ला प्रतिनिधि परिषद्को बैठकसमेत तय गरेको छ । रौतहटको माघ १८, बाराको माघ २०, पर्साको माघ २१, सर्लाही र सिरहाको फागुन ५ र धनुषा तथा सप्तरीको फागुन ७ गते जिल्ला प्रतिनिधि परिषद्को बैठक गर्ने निर्णय गरिएको छ । बैठकले प्रदेश अधिवेशनका बखत नवीकरण भई केन्द्रबाट प्रमाणीकरण भएर आएका सदस्यहरूबाट नै जिल्ला अधिवेशन सम्पन्न गर्ने निर्णयसमेत गरेको सचिव पौडेलले बताए । बैठकले चिसो र शीतलहरबाट मधेस प्रदेशका नागरिकहरू पीडित बनेको हुनाले चिसोका कारण कठ्यांग्रिएर मृत्यु भएको समाचार आइरहेको हुनाले तत्काल न्यानो कपडा, आगो ताप्ने दाउरा र राहतको व्यवस्था गर्न स्थानीय तह, प्रदेश सरकार र नेपाल सरकारसँग जोडदार माग गरेको छ । नेकपा एमाले मधेश प्रदेश कमिटीका अध्यक्ष चण्डेश्वर मण्डलको अध्यक्षतामा भएको बैठकमा केन्द्रीय सचिव तथा मधेस प्रदेशका इन्चार्ज योगेश भट्टराई, पोलिटव्युरो सदस्यहरू पुरुषोत्तम पौडेल, सुमनराज प्याकुरेल, लीलानाथ श्रेष्ठ, ज्वालाकुमारी साह ,अच्युत मैनाली र केन्द्रीय सदस्य सरोज यादवसहित जिल्ला अध्यक्षहरूको उपस्थिति थियो ।

प्रतिक्रिया दिनुहोस
राष्ट्रिय सभा सदस्यमा अन्जान शाक्य मनोनीत

     राष्ट्रिय सभा सदस्यमा डा. अन्जान शाक्य मनोनीत भएकी छन् । मन्त्रिपरिषद्को

देउवा-माधवको गठबन्धनमा १३८ सीट पुर्‍यउने सहमती

  नेपाली कांग्रेसका सभापति शेरबहादुर देउवा र नेकपा एकीकृत समाजवादीका अध्यक्ष माधव नेपालबीच

ग्लोबल आइएमई बैंक र हब इन्टरनेशनल एजुकेशनबिच समझदारी

      भारतमा उच्च शिक्षाका लागि जाने विद्यार्थीलाई बैंकले शैक्षिक कर्जा प्रदान

शेरबहादुर देउवा र माधव नेपालबीच भेटवार्ता

     नेपाली कांग्रेसका सभापति शेरबहादुर देउवा र एकीकृत समाजवादीका अध्यक्ष माधव कुमार