साम्प्रदायिक विद्वेष फैलाउने संस्कृति मन्त्री कसरी पदमा बस्न मिल्छ : रवि लामिछाने

हाम्रो इकोनोमि

 

 

राष्ट्रिय स्वतन्त्र पार्टीका सभापति रवि लामिछानेले संस्कृति, पर्यटन तथा नागरिक उड्डयनमन्त्री सुदन किराँतीको अभिव्यक्तिप्रति खेद प्रकट गरेका छन् । मन्त्री किराँतीको ‘क्रिश्चियनलाई नमान्नेहरू देशद्रोही हुन’ भन्ने मन्त्री किराँतीको अभिव्यक्तिले सामाजिक सद्भाव खलबलाउने लामिछानेको भनाई छ ।
आफ्नो पदीय गरिमा विपरीत, उत्तेजक र गैर जिम्मेवार अभिव्यक्ति दिनु खेदजनक भएको उनले बताए । साम्प्रदायिक विद्वेष फैलाउने संस्कृति मन्त्री जस्तो व्यक्ति पदमा कसरी बस्न मिल्छ रु भन्दै उनले प्रधानमन्त्री पुष्पकमल दाहाल प्रचण्डको ध्यानाकर्षण गराएका छन् ।