ओलीको जन्मथलो तेह्रथुमको वसन्तपुर उर्लियो मानवसागर

 

 

मध्यपहाडी समृद्धिका लागि संकल्प यात्राको १५औं दिन नेकपा एमालेको टोली तेह्रथुमको वसन्तपुर पुगेको छ । वसन्तपुरको आमसभामा अध्यक्ष ओलीसहितका नेतालाई स्वागत गर्न सर्वसाधारण, वृद्धवृद्धा, कार्यकर्ताको उत्साहजनक उपस्थिति छ । कोशी प्रदेशको संखुवासभा, धनकुटा, तेह्रथुम, सुनसरी मोरङलगायतका जिल्लाबाट नेता तथा कार्यकर्ता पुगेका छन् । सुनसरी मोरङबाट मात्र ६० वटा वस, ६० वटा कार जीप र तीन सय बढी मोटरसाइकलमा नेता तथा कार्यकर्ता सहभागी भएको नेकपा एमालेले जनएको छ ।

आमसभास्थल वरपर घरका छत, बार्दली खचाखच छ । तेह्रथुम ओलीको जन्मथलो हो । एमालेको यात्रालाई लक्षित गरी पहिचानवादीहरूले बन्दको आयोजना गरे पनि त्यसको प्रभाव देखिँदैन । वसन्तपुर बजारमा हुने आमसभामा ५ सय १ जना स्वयंसेवक खटिएका छन् ।