प्रतिगमनकारीहरू इतिहासको चक्का पछाडि धकेल्न खोज्दैछन् : प्रचण्ड

प्रधानमन्त्री पुष्पकमल दाहाल प्रचण्डले जटिलताको बीचमा पनि सरकारले राम्रो काम गरेको दाबी गरेका छन् । माओवादीले पनि सुरू गरेको पार्टीको वेबसाइट उद्घाटन गर्दै उनले गठबन्धनदेखि प्रमुख प्रतिपक्ष दलसँग संवाद गरिराख्नुपर्ने अवस्था रहेको बताए । उनले भने, ‘सरकारले जटिलताको बीचमा पनि, अप्ठेरो अवस्थामा पनि यो माओवादीको मात्रै सरकार होइन । गठबन्धनलाई पनि चित्त बुझाएर अघि बढ्नुपर्छ । फेरि राजनीतिक रुपमा जुन उतारचढाव हुन खोजेको छ, त्यसलाई मिलाउन पनि प्रतिपक्षसँग संवाद गरिराख्नुपर्ने अवस्था छ । त्यो सबै गर्दै पनि विकासलाई गति दिने कोसिस गरिरहेका छौं । देशलाई निरंकुशतातर्फ धकेल्न प्रतिगमनकारी शक्तिहरुले षड्यन्त्र गर्न खोजेको उनको भनाइ छ । प्रधानमन्त्री प्रचण्डले भने, ‘छिमेकी, अन्तर्राष्ट्रिय समुदाय र देशभित्र पनि जनताको पक्षमा राम्रो गरेवापत एकथरी प्रतिक्रियावादीहरु चाहिँ, हामी प्रतिगमनकारी भन्छौं– इतिहासको चक्का पछाडि धकेल्न चाहने, कहाँबाट कहाँ पुगिसक्यो इतिहास फेरि फर्केर निरंकुशता ।