सरकार नपुगेका ठाउँमा हामी खटिएका छौँ : एमाले स्वयंसेवक



 

 

नेकपा एमालेले तयार गरेको युवा स्वयंसेवक दस्ता अहिले जाजरकोट र रुकुममा खटिएको छ । विपत् व्यवस्थापन तथा स्वयंसेवक विभाग प्रमुख समेत रहेका एमाले केन्द्रीय सदस्य किरण पौडेल नेतृत्वको दस्ताले विगत पाँच दिन देखी जाजरकोट र रुकुममा पुनर्निर्माण तथा भग्नावशेष व्यवस्थापन गरिरहेको छ । यी बस्तीमा अहिले सम्म सरकार पुगेको छैन । हामी पुग्दा पीडितहरूले केही राहत महसुस गरेका छन्’, स्वयंसेवक दस्ताका प्रमुख पौडेलले भने ‘यो विषम परिस्थितिमा हामीले एमाले जनताको सुख दुखको साथी हो भन्ने देखाएका छौँ । अहिले जाजरकोट र रुकुममा एमालेका ११०० स्वयंसेवक दस्ता खटिएका छन् । यो दस्ताले अहिले सम्म सयौँ घरको भग्नावशेष व्यवस्थापन गरेको र दर्जनौँ घर पुर्न निर्माण गरेर जनता हस्तान्तरण गरिसकेको छ ।

घर भत्किएर छोरा गुमाएका राम बहादुर ओलीले केही दिनमै आफ्नो लागि स्वयं सेवक दस्ताले राम्रो घर बनाइदिएपछि खुसी भएका थिए । उनले भने, ‘सरकारले केही गरेन तपाइहरूले घर बनाइदिनु भयो धन्यवाद छ हजुरहरूलाई । अहिले जाजरकोटमा ७ सय र रुकुममा ४ सय स्वयंसेवक खटिएका छन् । २५ जनाको दरले ४० समूहमा विभिन्न स्थानमा व्यवस्थापन र पुनर्निर्माणको काम भइरहेको छ । केही दिनदेखि भइरहेको पुर्न निर्माणले जनताको भावनामा एमाले प्रतिको विश्वास अझै बढेको जाजरकोटको नलगाड नगरपालिका वडा नम्बर १ कल्पथमा श्रमदान गरिरहेको राष्ट्रिय युवा सङ्घ सुदूरपश्चिमका अध्यक्ष अरुण कँवरले बताए । अध्यक्ष कँवर नेतृत्वको टीममा प्रदेश महिला विभाग प्रमुख श्रेया राज्य लक्ष्मी सिह,कैलाली जिल्ला अध्यक्ष लक्ष्मण थापा,प्रदेश सदस्य बिराज धमला लगायत २३ जना छन् । उनीहरु अहिले सरकारले समेत गर्न नसकेको र नगरेको पुर्न निर्माण आफूहरूले गर्न पाएकोमा उत्साहित भएको बताउँछन् ।

‘यहाँ धेरै जनधनको क्षति भएको छ’, अध्यक्ष कुवरले भने, ‘कोही नहुनेहरूको लागि हामी छौँ भन्ने सन्देश दिने गरि हामीले काम गरिरहेका छौँ । अहिले सम्म सरकार पुगेको छैन तर, हामी लागिरहेका छौँ । सानी भेरी गाउँपालिकामा खटिएका अनेरास्ववियु केन्द्रीय सदस्य किशोर शाह र सुदूरपश्चिम अध्यक्ष मनोज राई पनि अहिले आफूहरूले जनतालाई मलहम लगाउने काम गरिरहेको बताउँछन् । घरहरू भत्किएका छन् मान्छेहरू त्रसित छन् सरकार पुगेको छैन’, शाहले भने, ‘सरकार भन्दा पहिले हामीले पुनर्निर्माण गरिरहेका छौँ जनता पनि अहिले हामीसँगै लागेर ढलेको घर उठाउन लागिरहनु भएको छ ।’

     

  

प्रतिक्रिया दिनुहोस
सूचना प्रविधि सम्बद्ध निकायको पुनर्संरचना गर्ने सञ्चारमन्त्री गुरुङको पहिलो निर्णय

    नवनियुक्त सञ्चार तथा सूचना प्रविधिमन्त्री पृथ्वीसुब्बा गुरुङले डिजिटल नेपाल फ्रेमवर्कलाई परिमार्जन

सरकारी अस्पतालमा लाइन बस्न नपर्ने बनाउँछौं : प्रदीप पौडेल

    नवनियुक्त स्वास्थ्य तथा जनसंख्यामन्त्री प्रदीप पौडेलले एक महिनाभित्र सरकारी अस्पतालमा सेवा

सरकारको उद्देश्य राजनीतिक स्थायित्व र भ्रष्टाचार नियन्त्रण : गृहमन्त्री

    गृहमन्त्री रमेश लेखकले भ्रष्टाचार नियन्त्रण गरेर सुशासन कायम गर्न सरकारले प्राथमिकताका

प्रधानमन्त्री ओलीद्धारा पदभार ग्रहण

    नेकपा एमालेका अध्यक्ष केपी शर्मा ओलीले प्रधानमन्त्रीको पद सम्हालेका छन् ।