कोशीका मुख्यमन्त्री केदार कार्कीलाई माओवादीले विश्वसको मत दिने
माओवादी केन्द्रले कोशी प्रदेशमा मुख्यमन्त्री केदार कार्कीलाई विश्वसको मत दिने भएको छ । केन्द्रीय गठबन्धन र नेपाली कांग्रेसको निर्णयविरुद्ध एमालेसँग सहकार्य गरेर कोशी प्रदेशमा मुख्यमन्त्री बनेका केदार कार्कीलाई नेकपा माओवादीले विश्वासको मत दिने भएको हो । केन्द्रको सत्ता गठबन्धनले कोशीको मुख्यमन्त्री माओवादीका इन्द्र आङवोलाई बनाउने निर्णय गरेको थियो । निर्णयविरुद्व गएर केदार कार्कीले एमालेसङ मिलेर सरकारको नेतृत्व गरेका छन् । केन्द्रको निर्णय विरुद्व शेखर कोइराला समूहका कार्कीसहित ८ सांसदले विद्रोह गरेका थिए ।
नेकपा एमालेका ३९ र शेखर समूहका ८ सांसदको समर्थनमा शनिवार मुख्यमन्त्री बनेका कार्कीले कांग्रेसका शमशेर राई र एमालेका राम राना मगरलाई मन्त्री बनाइसकेका छन् । उनले बुधवार विश्वासको मत लिँदै छन् । सोमबार बसेको माओवादी केन्द्र प्रदेश समन्व्य समिति बैठकले पार्टी केन्द्रीय कमिटीको सहमति लिएर विश्वासको मत दिने निर्णय गरेको हो । माओवादी केन्द्रका प्रदेश अध्यक्ष हर्कबहादुर नेम्वाङले केदार कार्कीलाई विश्वासको मत दिने निर्णय भएको बताए ।
