कोशीको युवा संघ अध्यक्षमा अरुण गुरुङ निर्वाचित

 

 

नेकपा (एमाले) निकट युवा संघ नेपाल कोशी प्रदेशको अध्यक्षमा सुनसरीका अरुण गुरुङ निर्वाचित भएका छन् । शनिबार पहिचानवादीहरुको अवरोधकाबीच सम्पन्न अधिवेशनले गुरुङको अध्यक्षतामा ८९ सदस्यीय नयाँ कमिटी निर्वाचित गरेको हो ।कमिटीको उपाध्यक्षमा जयप्रकाश रायमाझी (मोरङ), सचिवमा विनोद राना (झापा), सहसचिवमा निरजमान सिंह बस्नेत (खोटाङ), सहसचिवमा शरण फागो (इलाम) र कोषाध्यक्षमा दीपेन्द्र तामाङ निर्वाचित भएका छन् ।

अधिवेशनले साइबर सर्कल प्रमुखको जिम्मेवारी सागर पोखरेललाई दिएको छ । यस्तै महिला विभाग प्रमुखको जिम्मा पार्वती तामाङ र संगठन विभाग प्रमुखको जिम्मेवारी आनन्द राईलाई दिएको छ । अधिवेशनले मनोज रायलाई प्रवक्ताको जिम्मेवारी दिएको छ । युथ फोर्स प्रमुखमा भने राजन बानियाँ निर्वाचित भएका छन् ।