ललिता निवास प्रकरणको अनुसन्धान फाइल बुझाउँदै सीआईबी
नेपाल प्रहरीको केन्द्रीय अनुसन्धान ब्यूरो (सीआईबी) ले बालुवाटारस्थित ललिता निवास जग्गा प्रकरणको अनुसन्धान प्रतिवेदन आज बुझाउने तयारी गरेको छ । यसअघि हिजै सरकारी वकिलको कार्यालयमा प्रतिवेदन बुझाउने भनिएकामा आज बल्ल बुझाउन लागिएको हो ।
सीआईबले आइतबार राति मात्रै पूर्वप्रधानमन्त्रीद्वय माधवकुमार नेपाल र डा। बाबुराम भट्टराईसँग यस प्रकरणमा बयान लिएको थियो । प्रधानमन्त्रीद्वयको बयानपछि सीआईबीले आज प्रतिवेदन बुझाउन लागेको हो । यसअघि नेपाल र भट्टराईको बयान नलिएको भन्दै चर्को आलोचना हुँदै आएको थियो ।
