विकास त्यस्तै हो, मोर्चा रेशम फिरिरी : गोकुल बास्कोटा
नेकपा एमालेका सांसद गोकुल बास्कोटाले सरकारले विकास निर्माणमा ध्यान नदिएर मोर्चा बनाउन ध्यान दिएको भन्दै कटाक्ष गरेका छन् । मंगलबारको प्रतिनिधि सभा बैठकमा शहरी विकास मन्त्रालयको मन्त्रालयगत बजेटमाथि संसदमा भएको छलफलमा खर्च कटौतीको प्रस्ताव पेश गर्दै बास्कोटाले विकास निर्माणमा सरकारले ध्यान नदिएको भन्दै आपत्ति जनाएका हुन् । उनले बजेटको न्यायिक वितरण हुनसमेत नसकेको बताए ।
विकास त्यस्तै हो मोर्च रेशम फिरिरि त्यही गर्ने ? कि बजेट बनाउने ? कुरा त्यही हो । काठमाडौंका प्रस्तावित चार शहर के भए ? बागमती सभ्यताको कुरा कहाँ पुग्यो ? खेलकुदको कुरा पनि लगानी राज्यले पनौतीमा पनि गरेको छ खेलकुदको निम्ती । तर नौ दश करोड पैसा फसेको छ । अहिले शून्य बजेट । के तमासा यो ? देउराली भाकेर दुई जना मन्त्री ज्यूहरूलाई नेतृत्वलाई म देउराली भाक्नु पर्यो मन्त्री गुहारेर सकिएन हजुर । चिकर्टोले रूहायो,’ उनले भने ।
आफ्नो गृहजिल्ला काभ्रेको पनौती नगरपालिकामा हुँदै नभएको वडाका नाममा बजेट परेको उदाहरण पेश गर्दै उनले भने, ‘म तपाईलाई सोध्छु, पनौती नगरपालिकामा १२ वटा वडा छन् । १३ नम्बर वडा कहाँ पर्छ ? १४ नम्बर वडा कहाँ पर्छ ? १५ नम्बर वडा कहाँ पर्छ ?’
