पञ्चायतको जस्तो बजेट भयो : पृथ्वीसुब्बा गुरुङ

 

 

नेकपा (एमाले) का सांसद पृथ्वीसुब्बा गुरुङले अहिलको बजेट नेपाली अर्थतन्त्र नबुझेको बजेट भएको टिप्प्णी गरेका छन् ।बिहीबार प्रतिनिधिसभा बैठकमा बजेटमाथिको छलफलका क्रममा समाजवाद उन्मुख उत्पादनलाई प्राथमिकतामा राख्न नसकेको बजेट नेपाली अर्थतन्त्र नबुझेको बजेट भएको टिप्पणी गरेका हुन् ।

उनले स्थापित उत्पादनमा बजेट विनियोजन गर्न चूकेको उल्लेख गरे । गुरुङले बजेट कर्मचारी र स्रोतसाधन सिंहदरबारमा नै थन्किने गरी आएको भन्दै यसले वित्तीय संघीयताको मर्मलाई आत्मसाथ गर्न नसकेको टिप्पणी गरे । गुरूङले मुलुकको लैङ्गिक, वर्गीय, जातीयलगायत विभेद् अन्त्य गर्न असमर्थ रहेको र पञ्चायतको जस्तो बजेट भएको धारणा राखे ।