तनहुँ १ मा रास्वपाका स्वर्णिम वाग्ले विजयी
प्रतिनिधि सभा सदस्य उपनिर्वाचन तनहुँ-१ मा राष्ट्रिय स्वतन्त्र पार्टी (रास्वपा)का उम्मेदवार डा स्वर्णिम वाग्ले विजयी भएका छन् । मंगलबार बिहान सम्पन्न मतगणनाको अन्तिम मतपरिणाम अनुसार वाग्ले ३४ हजार ९ सय १८ मतसहित विजयी भएका हुन् ।
उनका निकटतम् प्रतिस्पर्धी नेपाली कांग्रेसका उम्मेदवार गोविन्द भट्टराईले २० हजार १ सय २२ मत प्राप्त गरेका छन् भने नेकपा एमाले उम्मेदवार सर्वेन्द्र खनालले ८ हजार ४ सय ८८ मत प्राप्त गरेका छन् ।
