रवि लामिछानेको पासपोर्टबारे जाहेरी दर्ता गर्न नपर्ने सरकारी वकिलको निष्कर्ष

 

 

सरकारी वकिलको कार्यालयले राष्ट्रिय स्वतन्त्र पार्टीका अध्यक्ष रवि लामिछानेको पासपोर्टको विषयमा अनुसन्धान गर्न माग राख्दै दिइएको जाहेरी दर्ता गर्न नपर्ने निष्कर्ष निकालेको छ । युवराज असफलले दिनुभएको काठमाडौं जिल्ला सरकारी वकिलको कार्यालयले जाहेरी दर्ता गर्न नपर्ने निश्कर्ष निकालेको हो । प्रहरीले यो विषयमा पहिल्यैदेखि अनुसन्धान गरिरहेकाले त्यही प्रकृतिको अर्को जाहेरी दर्ता गर्नु आवश्यक नरहेको निचोड सो कार्यालयले निकालेको छ ।

यसअघि युवराज सफलले प्रहरीमा जाहेरी दिन खोजेपनि दर्ता गर्न नमानेपछि उहाँ सरकारी वकिलकहाँ पुग्नुभएको थियो । विदेशी पासपोर्ट रहेकै अवस्थामा पुरानो नेपाली नागरिकता प्रयोग गरेर नेपाली पासपोर्ट निकालेको आरोप लामिछानेमाथि रहेको छ ।