राष्ट्रियसभा उपाध्यक्षमा पनि काँग्रेसले उम्मेदवारी दिने
नेपाली काँग्रेसले राष्ट्रिय सभा उपाध्यक्षमा पनि उम्मेदवारी दिने भएको छ । बिहीबार बिहान बसेको संसदीय दल कार्यसमितिको बैठकले उपाध्यक्षमा उम्मेदवारी दिने निर्णय गरेको हो । तर, उम्मेदवार भने टुँगो लागेको छैन । अन्य दलहरुसँग छलफल गरेर उम्मेदवार टुंगो लगाउने काँग्रेसको तयारी छ ।राष्ट्रियसभा उपाध्यक्षका लागि माघ २३ गते निर्वाचन हुँदैछ।
त्यस्तै बैठकले संसदीय दलको बैठक माघ २६ गते १ बजे संसद भवनमा बोलाउने निर्णय भएको मुख्य सचेतक रमेश लेखकले जानकारी दिए । राष्ट्रपति निर्वाचनका लागि पार्टीका तर्फबाट तयारी भइरहेको पनि उनले जानकारी दिए । मुख्य सचेतक लेखकले पार्टी संसदभित्रको काममा व्यस्त भएकाले केन्द्रीय कार्यसमितिको बैठक केहि समयमा लागि सारिएको जानकारी दिए ।
