गृहमन्त्री रवि लामिछानेको नागरिकता विवादमा आजबाट सुनुवाइ हुँदै

 

 

उपप्रधानमन्त्री तथा गृहमन्त्री रवि लामिछानेको नागरिकता विवादमा आजबाट सुनुवाइ हुँदैछ । लामिछानेको मुद्वामा संवैधानिक इजलासमा सुनुवाइ हुन लागेको हो । अमेरिकाको नागरिकता लिएपछि निष्क्रिय भइसकेको उनको नागरिकतालाई पुन: पक्रिया नपु¥याई प्रयोग गरेको भन्दै अदालतमा मुद्दा दर्ता भएको थियो ।

संवैधानिक इजलासमा पुगेको उक्त मुद्दामा गत पुष २२ गते कामु प्रधानन्यायाधीश हरिकृष्ण कार्की, ईश्वरप्रसाद खतिवडा, डा. आनन्दमोहन भट्टराई, अनिलकुमार सिन्हा र प्रकाशमान सिंह राउतको संवैधानिक इजलासबाट सांसद पदबाट तत्काल निलम्बन गर्न गरिएको अन्तरिम मागदावी अस्वीकार गर्दै माघ ११ गते बुधबार पूर्ण सुनुवाइका लागि पेस गर्न आदेश दिएको थियो । सोही आदेशमा पेशी सार्न नमिल्ने गरी आदेश दिइएको थियो भने छिटो निरूपण गर्नुपर्ने विषय रहेको भन्दै अग्राधिकार दिने निर्णयसमेत भएको थियो ।