रेसुंगा विमानस्थलमा तारा एयरले गर्यो सफल परीक्षण उडान
गुल्मीको रेसुंगा विमानस्थलमा तारा एयर सफल परीक्षण उडान गरेको छ । रेसुंगा नगरपालिकास्थित सिमिचौरमा तारा एयरको ट्वीनअटर जहाजले सफल अवतरण गरेको हो । तारा एयरको सफल परीक्षणपछि विमानस्थलबाट नियमित उडान गर्ने ताराको तयारी छ ।
पहिलो पटक तारा एयरले उडान भरेको खुसीयालीमा रेसुंगा नपनगरपालिमा आजसार्वजनिक बिदा दिइएको छ । निर्माण सम्पन्न भएको विमानस्थलमा लामो समयपछि सफल रुपमा ‘डेमो फ्लाइट’ भएको हो । आइतबार बिहान त्रिभुवन अन्तर्राष्ट्रिय विमानस्थलबाट उडान भरेको उक्त जहाज ५० मिनेटमा रेसुंगा विमानस्थल पुगेको थियो ।
