आवाज विहीनहरुको आवाज सुन्नुस् : गृहमन्त्री लामिछाने
उपप्रधानमन्त्री तथा गृहमन्त्री रवि लामिछानेले ७७ जिल्लाकै प्रमुख जिल्ला अधिकारी र जिल्लाका सुरक्षा निकायका प्रमुखहरुसँग भर्चुअल बैठक गरेका छन् । सोमबार बिहान भएको भर्चुअल बैठकमा गृहमन्त्री लामिछानेले जनताको सेवामा समर्पित भएर चुस्ता दुरुस्त रुपमा सेवा प्रवाह गर्न प्रमुख जिल्ला अधिकारीहरुलाई निर्देशन दिएका छन् ।
लामिछानेले आवाज बिहिनहरुको आज सुनेर काम गर्न कडा निर्देशन दिए । यस्तै, लामिछानेले जिल्ला प्रशासन कार्यालय र प्रहरी कार्यालयबाट सेवा प्रवाह गर्दा राजनीतिक प्रभाव कहिँ कतैपनि देखिनुनहुनेमा जोड दिएका छन् ।
प्रजिअहरुलार्ई गृहमन्त्री लामिछानेले जागिर खाए जस्तो गरेर नभई स्प्रीटका साथ काम गर्न निर्देशन दिए । अहिले चिसो बढिरहेको भन्दै जनतालाई शीतलहरबाट जोगाउन यथाशक्य काम गर्न निर्देशन गृहमन्त्री लामिछानेले दिएका छन् ।
