५० अर्ब रुपैयाँ बजारमा पठाउदै राष्ट्र बैंक
नेपाल राष्ट्र बैंकले रिपो मार्फत बैकिङ प्रणालीमा ५० अर्ब रुपैयाँ तरलता पठाउने भएको छ । साधारण प्रकृतिको ४५ दिनको रिपोमार्फत तरलता बैंकिङ प्रणालीमा पठाउन लागिएको हो । माघ २९ गते रिपो परिपक्व हुनेछ ।
पुसमा तरलता अभाव झनै चर्किन सक्ने अभिव्यक्ति गभर्नर महाप्रसाद अधिकारीले दिँदै आएका छन् । पुसमा आय करको पहिलो किस्ता भुक्तानी गर्दा प्रणालीबाट ठुलो रकम सरकारको कोषमा जाने भएकाले तरलतामा थप दबाब पर्नेछ ।
यता राष्ट्र बैंकले पुनर्कर्जा नवीकरण नगर्दा यसले पनि तरलतामा समस्या देखिने भएकाले केन्द्रीय बैंकले तरलता व्यवस्थापनका लागि रिपो मार्फत बजारमा तरलता पठाउन लागेको हो ।
