सूर्यमा भोट हाल्न कार्यकर्तालाई लिङदेनको कडा निर्देशन
राष्ट्रिय प्रजातन्त्र पार्टी (राप्रपा)का अध्यक्ष राजेन्द्र लिङदेनले कार्यकर्तालाई सूर्यमा भोट नहाले मंसिर ४ पछि पार्टीमा भेट नहुने चेतावनी दिएका छन् । झापा १ मा आयोजित राप्रपासँगको संयुक्त चुनावी सभालाई सम्बोधन गर्दै एमालेसँगको चुनावी तालमेलाई सफल बनाउन आग्रह गरेका हुन् ।
उनले भने, ‘क्षेत्र नं १ मा सूर्यमा हालेको मत क्षेत्र नं. ३ मा हलोमा परिणत हुन्छ । अन्य क्षेत्रमा हलोमा परिणत हुन्छ ।’ देश जोगाउनका लागि एमालेसँग तालमेल गरेको बताए । सोही कार्यक्रममा एमाले अध्यक्ष केपी शर्मा ओलीले पनि सम्बोधन गरेका थिए ।
