त्रिभुवन विमानस्थलमा गरियो विमान दुर्घटना उद्धारको पूर्व अभ्यास

 

 

 

 

त्रिभुवन अन्तर्राष्ट्रिय विमानस्थलमा आज बुधबार विमान दुर्घटना उद्धारको ड्रिल (पूर्व अभ्यास) गरिएको छ । विमान दुर्घटना हुँदा के गर्ने, विमानमा आगो लागेमा कसरी निभाउने, सम्भावित घाइतेको उद्धार कसरी गर्ने भनेर पूर्व अभ्यास गरिएको विमानस्थलका महाप्रबन्धक प्रेमनाथ ठाकुरले जानकारी दिनुभयो ।
सो क्रममा नेपाली सेना, नेपाल प्रहरी लगायतका सुरक्षा निकाय, स्वास्थ्यकर्मी र अग्नि नियन्त्रकहरुको टोलीले पूर्व अभ्यास गर्नु भएको थियो । जहाज दुर्घटनाको काल्पनिक घटना अनुसार त्यसको प्रतिकार्यको अभ्यास कार्यका लागि आधा घण्टा विमानस्थल बन्द गरिएको नेपाल नागरिक उड्डयन प्राधिकरणले जनाएको छ ।
विमानस्थल सङ्कटकालीन योजना उक्त अभ्यास गरिँदा आकाशमा कालो धुँवाको मुस्लो देखिएको थियो भने दमकल, सुरक्षाकर्मी, एम्बुलेन्स तथा अन्य गतिविधि सक्रिय पारिएको थियो । यसरी गरिएको उक्त पूर्व अभ्यासले एक छिन त साच्चिकै दुर्घटना भयो कि भन्ने भान समेत परेको थियो । विमल विष्ट