सातै प्रदेश सरकारले बजेट ल्याउँदै
देशका सातवटै प्रदेश सरकारले आगामी आर्थिक वर्ष ०७९,८० को बजेट आज सार्वजनिक गर्दैछन् । संवैधानिक प्रावधानअनुसार संघ सरकारले जेठ १५ गते र प्रदेश सरकारले असार १ गते बजेट पेश गर्नुपर्ने हुन्छ । यसैका आधारमा प्रदेश सरकारले बजेट पेश गर्न लागेका हुन् । सातै प्रदेशले नीति तथा कार्यक्रम पेश गरिसकेका छन् ।
प्रदेश सरकारले आफ्नै आवश्यकताअनुसार बजेट ल्याउने छन् । जसमा खासगरी कृषि, पर्यटन, सडक, खानेपानी र रोजगारी सिर्जना सबै सरकारको साझा विषय हुनेछ । प्रदेशका आर्थिक मामिला तथा योजना मन्त्रीले प्रदेशसभामा बजेट प्रस्तुत गर्नेछन् ।
