वृद्धभत्ता एमालेको ब्रान्ड बनिसकेको छ : सुरेन्द्र पाण्डे
पूर्वअर्थमन्त्री तथा एमाले सांसद सुरेन्द्र पाण्डेले सरकारले ल्याएको बजेटले देशको आर्थिक संकटलाई ध्यान नदिएको बताएका छन् । संकट एकातिर बजेट अर्कोतिर भएको उनको टिप्पणी छ । संसद बैठकको छलफलमा भाग लिँदै पाण्डेले बजेट बनाउँदा अर्थमन्त्रीले चुनाव मात्रै देखेको बताए । उनले भने, ‘सरकारले यति पनि चुनाव उतापनि चुनाव देख्यो । आर्थिक संकटतिर उसको ध्यान नै गएन ।’
पाण्डेले यसअघिको एमाले सरकारले ल्याएको बजेटलाई देखाएर उम्किन खोजिनु हास्यास्पद भएको बताए । उनले भने, ‘योभन्दा अगाडि तिमीहरुले ल्याएको बजेट पनि यस्तै त थियो नि भनिरहेको सुन्छु । तर, के हाम्रो सरकारको पालामा देशको अर्थतन्त्र यस्तै संकटमा थियो रु अहिलेको जस्तै विदेशी मुद्राको अभाव र मन्दीको अवस्था थियो रु ६ महिनादेखि हामी जुन संकटको चर्चा गरिरहेका छौं, त्योसँग यो बजेटले मेल खान्छ ?’
पाण्डेले बजेटले वृद्ध भत्ताको उमेर घटाए पनि त्यसको फाइदा गठवन्धनलाई नहुने टिप्पणी गरे । वृद्धभत्ता एमालेको ब्रान्ड बनिसकेको उनको भनाइ छ । ‘कांग्रेसको मेलमिलाप नीति, माअोवादीको जनयुद्धमा हाम्रो दावी पुग्दैन । त्यसैगरी वृद्धभत्तामा अरु दलको दावी पुग्दैन । उमेर घटाए पनि जनताले एमालेलाई नै धन्यवाद दिन्छन् । बरु वृद्ध भत्ता ५ हजार पुर्याउने भन्नुभएको थियो, किन बढाउनुभएन भन्ने हाम्रो प्रश्न छ,’ पाण्डेले भने ।
कर्मचारीको तलववृद्धि पनि न्यायोचिन नभएको उनले बताए । प्रतिशतमा बढाउँदा तल्लो र माथिल्लो तहका कर्मचारीबीच झन् दुरी बढ्ने उनको भनाइ छ । गठवन्धन चाँडै चुनावमा जान चाहिरहेको आफूले सुनेको पाण्डेले बताए । ‘सुन्दैछु तुरुन्तै गठवन्धन चुनावमा जाँदै छ रे । कांग्रेसलाई यो गलगाँडबाट कहिले छुट्कारा पाउने भन्ने हतार छ । चुनावपछि अरु दलहरु सतिदेवीको अंगपतन भएझैं सबै झर्नेछन् ।’
संकट एकातिर बजेट अर्कोतिर । संकटतिर बजेटको ध्यान गएन । यता पनि चुनाव उतापनि चुनाव देख्यो । सुनिरहेको छु तुरुन्तै गठवन्धन चुनावमा जाँदै छरे भनेर कांग्रेसलाई गलगाँड कहिले छुटाउने भन्ने छ । सतिदेवीको अंगपतन भएकोजस्तो कलिे हात समातेको छ कसैले खुट्टा समातेको छ ।
