तारा एयरको विमान दुर्घटना भएको आशंका

 

 

१९ जना यात्रु लिएर विहान पोखराबाट जोमसोमका लागि उडेको तारा एयरको विमान लेतेमाथिको पहाडमा दुर्घटना भएको आशंका छ । पोखराबाट जोमसोम उडेको तारा एयरको नाइन एन एइटी जहाज मुस्ताङको लेतेभन्दा माथिको पहाडमा ठोक्किएर दुर्घटना भएको आशंका छ । बिहान ९ बजेर ५५ मिनेटमा पोखराबाट उडेको विमान माछापुच्छ्रे र धौलागिरी हिमालको खोँच कटेपछि सम्पर्कविहीन भएको थियो । विमानमा चालकदलका सदस्यसहित ६ जना विदेशी र १३ जना नेपाली नागरिक थिए ।