केशव स्थापित भन्दा बालेन साह ८०४० मतले अगाडि
काठमाडौं महानगरपालिकाको जारी मतगणनाअन्तर्गत अहिलेसम्म ४ वडाको गणना सकिएको छ । ७ वटा वडाको गणना जारी छ । ४२५६९ मत गनिसक्दा मेयरमा स्वतन्त्र उम्मेदवार बालेन साह निरन्तर अगाडि छन् ।
उनले १६६४७ मत ल्याउँदा नेकपा एमालेका केशव स्थापितले ८६०७ मत प्राप्त गरेका छन् । दुईजनाबीचको मतान्तर ८०४० छ । तेस्रो स्थानमा रहेकी कांग्रेस उम्मेदवार सिर्जना सिंहले ७७६७ मत ल्याएकी छन् ।
अहिलेसम्म १, २, ३ र ५ नम्बर वडाको गणना सकिएको छ । वडा नम्बर ४, ६, ७, २९, ३०, ३१ र ३२ को मतगणना जारी छ । यी वडाहरूमा बालुवाटार, बौद्ध महाकांल, चावहिल-मित्रपार्क, डिल्लीबजार, ज्ञानेश्वर, भीमसेनगोला-शान्तिनगर, कोटेश्वर-जडिबुटी क्षेत्र पर्छन् ।
