चुनावी सभामा हजारौं जनता एमालेमा प्रवेश
नेकपा एमाले गाउँकमिटी सिम्ता ,सुर्खेत को आयोजनामा सिम्ता स्तरीय वृहत् जनसभा सम्पन्न भएको हो । पार्टीका स्थायी कमिटी सदस्य एवम् कर्णाली प्रदेश इन्चार्ज यामलाल कँडेल को प्रमुख आतिथ्यतामा सभा सम्पन्न भएको थियो ।
एमालेको चुनावी सभामा हजारौंले प्रवेश गरेका छन् । काङ्ग्रेस र माओवादी पार्टी बाट हजारौंको संख्यामा कार्यकर्ता भित्र्याउदै एमालेका नेताहरूले जनसभा नभएर बिजयी सभा भएको जिकिर गरेका हुन् ।
अध्यक्ष पदका उम्मेदवार ऐन बहादुर चन्दले नेकपा एमालेको नेतृत्वमा सिम्ताको बिकासले उचाई लिने बताए । उनले भने प्रत्येक वडाहरुमा नेकपा एमाले प्रतिको बिश्वास , लहर र समर्थले हामी हर्षित भएका छौँ ।
नेकपा एमालेका नेता कार्यकर्ताहरूले दिनरात नभनी जसरी सिम्तालाई लाल किल्ला बनाइराख्न खटिनु भएको छ , भोक प्यास र निद्रालाई वास्ता नगरिकन जनताको घरदैलोमा पुग्नु भएको छ । म तपाईंहरुको खटन प्रती सदैव गर्व गर्नेछु । हामी बिजय नजिक छौं । सिम्तामा २०७४ सालको निर्वाचनमा नेपाली काङ्ग्रेसलाई हराएको थियो । यसपटक पनि चुनाव जित्नेमा एमाले विश्वस्त छ।
