कलाकार भनेका राष्ट्रका अमुल्य गहना हुन : मन्त्री आले



 

 

 

 

संस्कृति, पर्यटन तथा नागरिक उड्डयनमन्त्री प्रेमबहादुर आलेले कलाकार भनेका राष्ट्रका अमुल्य गहना भएको बताउनु भएको छ । आज आरके इन्टरटेनमेन्ट गु्रपको २२ औँ वार्षिक उत्सब समारोहको उद्घाटन गर्नु हुँदै मन्त्री आलेले कलाकार तथा संस्कृति भनेको राष्ट्र चिनाउने माध्यम भएकाले कला तथा संस्कृति राष्ट्रको अमुल्य गहना भएको बताउनुभयो । उहाँले भन्नुभयो, “कला र संस्कृति भनेको राष्ट्र चिनाउने चिज हो, यसको संरक्षणका लागि मैले सधै सहयोग गर्ने छु ।”

उक्त कार्यक्रमका प्रमुख अतिथी समेत रहनु भएका मन्त्री आलेले कलाकारकै कारण देशमा थुप्रै राम्रा रचनात्मक तथा परिर्वतनकारी काम भएकाले हामीले हाम्रा कलाकार तथा संस्कृतिलाई कहिलै विर्सिन नहुने बताउनुभयो । यसैगरी मन्त्री आलेले कला, संस्कृति संरक्षणका क्षेत्रमा आफु सहित आफ्नो मन्त्रालय सधै सकारात्मक रहेकाले आफुहरुले गर्न सक्ने सहयोग गर्ने प्रतिबद्धता समेत जाहेर गर्नुभयो । उहाँले भन्नुभयो, “समाज परिवर्तनको अग्रतामा अहिले कलाकारिता क्षेत्र लागि रहेकाले मैले के सहयोग गर्नु पर्छ भन्नु होला, म सहित मेरो मन्त्रालय सहयोग गर्न तयार छ ।”

सोही कार्यक्रमलाई सम्बोधन गर्नु हुँदै मन्त्री आलेले आफुले राजनिती पेसाका रुपमा नलिएको र सेवाका रुपमा लिएकाले आफु सधै आम नागरिकको सेवामा लागि रहने समेत बताउनुभयो । कलाकारहरुले राष्ट्रका लागि बिभिन्न सकारात्मक योगदानका काम गरेको प्रति धन्यवाद दिनु हुँदै मन्त्री आलेले सधै सकारात्मक काम तथा राष्ट्रको हित हुने काम गर्न समेत कलाकारलाई आग्रह गर्नुभयो । यसैगरी मन्त्री आलेले आफुले पर्यटन मन्त्रालय सम्हालेदेखि सर्वहारा, श्रमजिवी वर्गका हित हुने काम गर्दै आएको र रोजगारीका लागि खाडी मुलुक जाने नेपाली श्रमिक दाजु, भाइ दिदि बहिनीका लागि त्रिभुवन अन्तर्राष्ट्रिय विमानस्थलमा बिशिष्ट कक्ष तथा बिश्रामस्थल निर्माणदेखि अन्य आवश्यक सेवा सुबिधाको प्रबन्ध मिलाएको जानकारी दिनुभयो ।

सोही कार्यक्रमलाई सम्बोधन गर्नु हुँदै मन्त्री आलेले त्रिभुवन अन्तर्राष्ट्रिय विमानस्थलमा ट्याक्सी व्यवसायीको मनपरि भएको र यात्रुहरुलाई मिटरमा जान नमान्ने गरेका कारण उनीहरुका समस्या समाधानका लागि भएपनि विमानस्थलमा सटल बसको व्यवस्था मिलाएको बताउनुभयो । बिगतका सरकारका पालामा धार्मिक क्षेत्र, मठ मन्दिर, धर्मशाला तथा सरकारी जमिन हडप्ने काम भएकाले ती हडपिएका जमिन लगायतका क्षेत्रहरु अहिले आफुले फिर्ता ल्याउन थालेको जिकिर गर्नुभयो । “बिगतमा पशुपति धर्मशाला तथा नारायणहिट्टी दरवार संग्रहालय कौडीका भाउमा दिइएको थियो मैले फिर्ता ल्याएको छु” मन्त्री आलेले थप भन्नुभयो, “सरकारी सम्पती कौडीका भाउमा दिने र हडप्न खोज्ने कसैलाई पनि उन्मुक्ति दिने छैन ।” उक्त वार्षिक उत्सब समारोहमा कोभिड तथा अन्य विषेश क्षेत्रमा योगदान पु¥याएको भन्दै २० जना राष्ट्रिय कलाकारलाई सम्मानीत गरिएको थियो । विमल विष्ट

प्रतिक्रिया दिनुहोस
प्रहरी महानिरीक्षकमा दिपक थापा

    सरकारले नवनियुक्त प्रहरी महानिरीक्षक (आईजीपी) दिपक थापालाई दर्ज्यानी चिन्ह प्रदान गरेको

माओवादी तत्काल सरकारमा नजाने

    नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’को सरकारमा रहेका पार्टीका प्रमुखसहित

लागू औषध नियन्त्रणका लागि सांसद तामाङको सरकारलाई कडा नीति अपनाउने आग्रह

    प्रतिनिधिसभा सदस्य तारा लामा तामाङले नेपालमा लागू औषध दुर्व्यसन बढ्दै गएको

यौन व्यवसायलाई कानुनी मान्यता दिनुपर्ने घिमिरेको अभिव्यक्तिप्रति आपत्ति

    नेकपा (माओवादी केन्द्र) की सांसद दुर्गा राईले नेपाली कांग्रेसका प्रमुख सचेतक