जेठ ४ गते स्थनीय तहको निर्वाचन घोषणा गर्ने प्रधानमन्त्री देउवाको तयारी

 

 

प्रधानमन्त्री शेरबहादुर देउवाले स्थानीय तहको निर्वाचन जेठ ४ गते गर्ने गरी घोषणा गर्ने बताएका छन । नेपाली कांग्रेस बागमतीका सभापति इन्द्र बानियाँसहितको टोलीसँग सोमबार कुरा गर्दै कांग्रेस सभापति समेत रहेका देउवाले जेठ ४ मा निर्वाचन गर्ने गरी घोषणाको तयारी गरेको बताएका हुन ।

बानियाँका अनुसार प्रधानमन्त्री देउवाले केही दिनमै निर्वाचनको घोषणा हुने जानकारी दिएका छन । कांग्रेसभित्रैबाट अफ्ठेरो र एमालेको दबाबका कारण नेकपा माओवादी केन्द्रका अध्यक्ष पुष्पकमल दाहाल प्रचण्ड र नेकपा एकीकृत समाजवादीका अध्यक्ष माधवकुमार नेपालले ६ महिनापछिमात्र निर्वाचन गर्न गरेको आग्रह देउवाले स्वीकार्न नसक्ने भएका छन । उनले एमालेको माग र संविधान कानुनको व्यवस्था अनुसार आफूले समयमै निर्वाचन गर्ने तयारी थालेका हुन ।