प्रधानमन्त्री देउवा पुस २६ मा भारत जाने
प्रधानमन्त्री एवं कांग्रेस सभापति शेरबहादुर देउवा पुस २६ गते भारत भ्रमणमा जाने हुनुभएको छ । प्रधानमन्त्री देउवाले २६ पुसमा भाइब्रेन्ट गुजरात सम्मेलनको उद्घाटन सत्रलाई सम्बोधन गर्ने कार्यक्रम रहेको छ ।
प्रधानमन्त्री सचिवालयका अनुसार उहाँले सोही दिन भारतीय समकक्षी नरेन्द्र मोदीसँग गान्धीनगरमा औपचारिक भेटवार्ता गर्नुहुनेछ । यसका साथै देउवाले सबै भेटघाट कार्यक्रम गान्धीनगरमै हुनेछ । प्रधानमन्त्री पत्नी डा. आरजु देउवा राणा यसअघि नै दिल्ली पुगिसक्नु भएको छ ।
