अखिलको विधान महाधिवेशन धुलिखेलमा हुने
नेकपा एमालेनिकट अनेरास्ववियुको विधान महाधिवेशन काभ्रेको धुलिखेलमा हुने भएको छ । यसअघि पोखरामा हुने भनिएको विधान महाधिवेशन प्रेस चौतारी नेपालको नवौं राष्ट्रिय महाधिवेशन तय भएकोले फागुन ७ र ८ गते पोखराको साटो धुलिखेलमा तय भएको अध्यक्ष सुनिता बरालले जानकारी दिनुभयो ।
हालै झापाको बिर्तामोडमा सम्पन्न सचिवालय बैठकले राष्ट्रिय महाधिवेशन र विधान महाधिवेशनको मिति तोकेको थियो । बैठकका निर्णय सर्कुलरमार्फत जानकारी गराउँदै अहिलका महासचिव समिक बडालले चैत २२ देखि २४ सम्म हुने राष्ट्रिय महाधिवेशनको स्थान भने विधान महाधिवेशनबाट तय गरिने जनाउनु भएको छ । विधान महाधिवेशनका लागि विभिन्न उपसमितिहरू समेत गठन भएका छन् भने केन्द्रीय सदस्यहरूको कार्यविभाजन गरिएको छ ।
