केपी ओली आफ्नै घरमा कौसी खेती गर्दै
पूर्वप्रधानमन्त्री एवं नेकपा एमालेका अध्यक्ष केपी शर्मा ओलीको बालकोटस्थित निवासमा कौसी खेती सुरुवात गरिएको छ । सोमबार निवासमा पुग्दा अध्यक्ष ओलीसहित उहाँकी पत्नी राधिका शाक्य कौसी खेतीमा व्यस्त देखिनुभयो ।
उहाँको घरको छतमा कौसी खेतीका लागि स्थान बनाइएको छ र त्यसमा जापानी प्रविधीको प्रयोग गर्दै उत्पादन गरिएको कम्पोस्ट मलको प्रयोग गर्दै कौसीखेतीबारे जानकारी गराइएको छ । मध्यपुर थिमि नगरपालिकाका प्रमुख मदनसुन्दर श्रेष्ठले अर्गानिक कौसी खेतीको जापानी प्रविधीको प्राङ्गारिक मल प्रयोग गरेर सुरु गरिएको जानकारी दिनुभयो । त्यसक्रममा प्राविधिकहरुले ओली र शाक्यलाई कौसी खेती र प्राङ्गारिक मलबारे विभिन्न जानकारी दिनुभएको थियो ।
