माओवादीको महाधिवेशनमा बन्दसत्रपनि हुने
आइतबार सुरु नेपाल कम्युनिष्ट पार्टी (माओवादी केन्द्र) को आठौँ महाधिवेशनको बन्दसत्र सोमबार बिहान ११ बजेदेखि सुरु भएको छ। बन्दसत्र कमलादीस्थित प्रज्ञा भवनमा हुनेछ।
बन्दसत्रमा अध्यक्ष पुष्पकमल दाहाल प्रचण्डले राजनीतिक प्रतिवेदन प्रस्तुत गर्नेछन्। उनले प्रतिवेदनमा ‘आफ्नै चिरफार’ गरेको उद्घाटन सत्रमा बताइसकेका छन्। सो प्रतिवेदनमाथि प्रतिनिधिहरूले सामूहिक छलफल गरेर पुनः प्रस्तुत गर्नेछन्। त्यस्तै बन्दसत्रमा विधानलगायत अन्य प्रतिवेदन समेत पेस बताइएको छ।
राजनीतिक प्रतिवेदन, विधान पारितसँगै नयाँ नेतृत्वको चयन गर्ने कार्यसूची रहेको माओवादी केन्द्रीय कार्यालयका सचिव श्रीराम ढकालले जानकारी दिए। राष्ट्रिय सम्मेलनको तयारी पूरा गरिसकेको माओवादीले शनिबार मात्रै महाधिवेशनमा रुपान्तरण गर्ने स्थायी समितिले निर्णय गरेको थियो। त्यसलाई आइतबार बिहान केन्द्रीय समितिको बैठकले औपचारिकता दिएको थियो।
