कांग्रेस महामन्त्रीमा चिप्लिए मिनेन्द्र

 

 

रक्षामन्त्री डा. मिनेन्द्र रिजालले पदबाट राजीनामा दिने घोषणा गर्नुभएको छ । कांग्रेसको १४औं महाधिवेशनमा महामन्त्रीका उम्मेद्वार रहनुभएका रिजालले प्रारम्भिक मत गणनामै पराजीत हुने निश्चित भएपछि पार्टीका नेता कार्यकर्ताको भावनाअनुसार रक्षामन्त्रीबाट राजीनामा दिने घोषणा गर्नुभएको हो ।

‘नेपाली काङ्ग्रेसको चौधौं महाधिवेशनमा मैले प्रतिस्पर्धा गरेको महामन्त्री पदको प्रारम्भिक परिणामबाट नै स्पष्टरूपमा प्राप्त सन्देशलाई दृष्टिगत गर्दै रक्षामन्त्रीको पदबाट राजीनामा दिने निर्णय लिएको छु। अन्तिम परिणाम प्राप्त हुनासाथ सम्माननीय प्रधानमन्त्रीसमक्ष राजीनामा पेश गर्नेछु,’ रिजालले मासाजिक सञ्जाल फेसबुक पेजमार्फत भन्नुभएको छ ।