देश दर्शन बस सेवा पुनः सुचारु
साउन ६ गते बाट देश दर्शन बस सेवा पुनः सुचारु भएको छ । दोस्रो निषेधआज्ञा सुरु भए पश्चात कोभिड १९ को संन्त्रासले सम्पूर्ण सेवाहरु बन्द भएको थियो । हाल पोखरा, बुटवल, भैरहवा, सुनौली, जनकपुर र बिरगंजमा दैनिक तथा रात्रीकालीन बस सेवा सुचारु गरेको जानकारी देश दर्शन बससेवाका कार्यकारी निर्देशक श्रीकान्त आचार्य बताउनु भयो ।
आन्तरिक तथा बाह्य पर्यटकलाई बस चढ्नुअगाडि शरीरको तापक्रम मापन गर्ने, चालक, सहचालक यात्रुलाई मास्कको अनिवार्य व्यवस्था गर्ने, बसभित्र स्यानिटाइजर गर्नेलगायतका सम्पूर्ण व्यवस्था मिलाएको प्रालिका बजार व्यवस्थापक प्रल्हाद लोहनीले बताउनुभयो । देश दर्शन बसको टिकट देशदर्शन बससेवा प्रालिको वेवसाइट, नेट पे, लक्जरियर्स ट्राभल्स र इसेवामार्फत प्राप्त गर्न सकिने उहाँको भनाइ छ ।
‘पहिला देश अनि विदेश’ भन्ने नाराका साथमा आन्तरिक पर्यटकको वृद्धि एवम् विकास गर्ने लक्ष्यका साथ बससेवा संचालनमा ल्याईएको जानकारी देश दर्शन बस सेवा प्रा.लि का अध्यक्ष सिएन पाण्डेले बताउनुभयो ।
