माधव नेपालले आफ्नै पार्टीको अध्यक्ष र सरकार बिरुद्ध गम्भिर अपराध गरे : उपप्रधानमन्त्री पाेखरेल
नेकपा (एमाले)का महासचिव एवं उपप्रधानमन्त्री ईश्वर पाेखरेलले अब नेकपा एमाले नयाँ ढंगले अघि बढाउने बताउनुभएकाे छ । आज प्रधानमन्त्री कार्यालय सिंहदरबारमा प्रेस चाैतारी नेपालका अगुवाहरुसँगकाे छलफलमा उपप्रधानमन्त्री पाेखरेलले अब कम्युनिस्ट आन्दोलन र एमाले नयाँ ढंगले अघि बढ्ने बताउनुभयाे ।
नेकपा एमालेको अध्यक्ष केपी ओलीको नेतृत्वमा रहेको सरकार ढालेर जनमतविपरित नेपाली काँग्रेसको गठबन्धनमा सामेल हुन र जनमतलाई घात गर्ने माधव कु नेपालले गरेका अपराधहरू मध्यको एक ठुलो अपराध हो उनले भने ।
उपप्रधानमन्त्री पाेखरेलले पार्टी एकताकाे समयमा प्रवेश गरेकाे विषक्तताकाे केही नेतालाई प्रभावित गराएकाे भन्दै आफ्ना पार्टीका नेताकाे विरुद्धमा विपक्षीलाई हस्ताक्षर बुझाउने कुकृत्य भएकाे बताउनुभयाे । नेपाली काँग्रेसका सभापति शेरबहादुर देउवालाई प्रधानमन्त्री बनाउन जालसाजी, कृत्ये र हस्ताक्षर दुरूपयोग गरी २७ जना सांसदको साथ रहेको कथित लिखित फर्जी समर्थन गर्ने माधव नेपालले निच र घटिया काम गरेको उपप्रधानमन्त्री पोखरेलले बताउनु भयो ।
ढाडमा टेकेर टाउकाेका हान्न माहिर प्रचण्ड र लाेभ, कुण्ठा र ईष्याले भरिएका माधवकुमार नेपालकाे दाेस्तीले पार्टीमा विभाजन देखा परेकाे बताउँदै उहाँले अब कम्युनिस्ट आन्दोलन नयाँ ढंगबाट अघि बढ्ने स्पष्ट पार्नुभयाे ।
