प्रचण्ड–नेपाल मेरो मृत्यु पर्खेर बसेका थिए : प्रधानमन्त्री ओली
प्रधानमन्त्री केपी शर्मा ओलीले पुष्पकमल दाहाल, प्रचण्ड र माधवकुमार नेपाल आफ्नो मृत्युमात्रै पर्खेर बसेको गम्भिर खुलासा गर्नुभएको छ । उहाले ओली कहिल मर्छ र त्यो पदमा बस्न पाउला भनेर पर्खिरहेको बताउनु भएको हो ।
युवा संघले शनिवार काठमाडौंमा आयोजना गरेको भेलालाई सम्बोधन गर्दै प्रधानमन्त्री ओलीले प्रचण्ड–नेपाल कोही अर्को मरेदेखि पद पाउँथे भनेर बस्ने पात्र भएको बताउनु भयो । ‘यिनीहरुका भविष्यवाणी पुग्ने भए म उहिल्यै मरिसक्थेँ । जब म अप्रेसन गर्न जान्छु यिनीहरुको कहिल्यै उज्यालो नहुने चेहरा पनि उज्यालो हुन्थ्यो । जब म तंग्रिन्छु अनि झ्याप्प बत्ति गएजस्तै अनुहार । मरि हालेदेखि प्रधानमन्त्री र अध्यक्ष हुन्थ्यौं भन्ने थियो ।’
शुरुमा मैथीलीमा भाषण गर्नुभएका प्रधानमन्त्री ओलीले माधव नेपालप्रति कटाक्षा गर्दै मदन भण्डारीको मृत्युपछि आफूले उहालाई महासचिव बनाइदिएको बताउनुभयो । नेपाल कहिल्यै चुनाव जितेर नेतृत्वमा नआएको भन्दै २ ठाउँमा हारेर प्रधानमन्त्री र अध्यक्षमा हारेको भोलिपल्टदेखि अध्यक्ष चाहियो भनेर बार्गेनिङ गरेको आरोप लगाउनु भयो ।
‘दुई ठाउँबाट चुनाव हारेर प्रधानमन्त्री । अर्को कोही मरे महासचिव । अर्को कसैले छाडे अध्यक्ष हुने मौका छोपेर भल छोपेर नेतृत्व हत्याउने ? महाधिवेशन सिद्धिने बित्तिकै मैसँग हारेर अध्यक्ष चाहियो उधारो होइन हाताहाती भन्न थाले । महाधिवेशनसम्म पर्ख न त भन्यो होइन हाताहाती चाहियो भन्ने’, प्रधानमन्त्री ओलीको प्रश्न थियो ।
