अध्यादेश फिर्ता लिन ओली तयार, स्थायी कमिटी बैठक सुरु
प्रधानमन्त्री केपी शर्मा ओली संवैधानिक परिषदसम्बन्धी अध्यादेश फिर्ता लिन सहमत भएका छन् । यो सहमति भएसँगै बालुवाटारमा नेकपा स्थायी कमिटी बैठक सुरु भएको छ ।
केहीबेर अघि भएको प्रधानमन्त्री ओली तथा अध्यक्ष पुष्पकमल दाहाल प्रचण्डबीच भएको छलफलमा ओली अध्यादेश फिर्ता लिन तयार भएका हुन् ।
त्यस्तै, संसदको विशेष अधिवेशनको माग गरेर निवेदनसहित शीतलनिवास पुगेका सांसदहरुको हस्ताक्षर पनि फिर्ता गरिने छलफलमा सहमति भएको हो । सहभागी एक नेताका अनुसार यो सहमतिसँगै ओलीको सहभागीतामा स्थायी कमिटी बैठक सुरु भएको छ ।
