प्रचण्ड र नेपालले पार्टी बिभाजनको मोडालिटी नै तय गरे
सत्तारुढ नेपाल कम्युनिष्ट पार्टी (नेकपा) को सचिवालय बैठक केही मिनेट बसेर सकिएको छ । अध्यक्ष तथा प्रधानमन्त्री केपी शर्मा ओली बैठकमा नगएपछि केही मिनेट बसेर सचिवालय बैठक स्थगित भएको हो ।
प्रधानमन्त्रीका प्रेस सल्लाहकार सूर्य थापाले दिनुभएको जानकारीअनुसार कार्यब्यस्थताका कारण प्रधानमन्त्री सचिवालय बैठकमा उपस्थित नभएपछि केहीबेर बसेर टुंग्याइएको छ । ‘प्रधानमन्त्रीको समय मिलेन, यस बिषयमा उहाँले हिजो नै जानकारी गराउनु भएको थियो, आज उहाँहरु बस्नुभयो, केही बेर बसेर बैठक सकियो,’ थापाले भन्नुभयो ।
प्रधानमन्त्रीसमेत रहनुभएका अध्यक्ष केपी शर्मा ओलीले सरकार सञ्चालनको बिषयलाई लिएर कार्यब्यस्थता देखाउँदा आज एक बजे नै बैठक तोकेर अध्यक्ष पुष्पकमल दाहाल, प्रचण्ड हिडनु भएको थियो । स्रोतका अनुसार प्रचण्ड र माधव नेपालले पार्टी बिभाजनको मोडालिटी नै तय गरेको जानकारी पाएपछि प्रधानमन्त्री ओली बैठकमा नजानुभएको हो ।
‘प्रचण्ड माधव समुह पार्टी बिभाजनको स्पष्ट योजनाका साथ हरेक दिन प्रधानमन्त्रीबिरुद्ध अफवाह फैलाएर हिडन थालेपछि बैठकमा छलफल गर्नुको अर्थ रहेन भन्ने बुझाइ हो,’ ओली निकट सचिवालयका एक सदस्यले भने । बालुवाटार स्रोतका अनुसार बैठकमा कार्यब्यस्थताको कारण केही समय पर सार्न भन्दा बाहिर ओली बैठकमै आउदिन भने भन्दै प्रचण्ड माधव समुहले अफवाह फैलाएपछि प्रधानमन्त्री ओली आजको बैठकमै नजानु भएको हो ।
