अर्को बैठक २० गते बस्नेगरी सचिवालय स्थगित
नेपाल कम्युनिष्ट पार्टी (नेकपा)को सचिवालय बैठकमा प्रधानमन्त्री केपी शर्मा ओली अनुपस्थित भएसँगै बैठक स्थगित भएकाे छ । सबै सचिवालय सदस्यकाे उपस्थिति रहेपनि ओली अनुपस्थित रहेका कारण बैठक स्थगित भएकाे हाे । अब अर्काे बैठक ईण गते दिउँसाे १ बजे बस्ने तय भएकाे छ ।
आजकाे बैठकमा पार्टीका कार्यकारी अध्यक्ष पुष्पकमल दाहाल ‘प्रचण्ड’ले पेश गरेको राजनीतिक प्रस्ताव र त्यसको प्रतिउत्तरमा प्रधानमन्त्रीसमेत रहेका अध्यक्ष केपी शर्मा ओलीले प्रस्तुत गरेको जवाफी प्रस्तावमा छलफल हुने तय भएकाे थियाे ।
प्रस्तावमा हिजोको बैठकमा अध्यक्षद्वय ओली र प्रचण्डले आफ्नो धारणा राखेका थिए । आजको बैठकमा बोल्न बाँकी सदस्यहरुले आफ्नो धारणा राख्ने कार्यसूची थियाे। नेकपाभित्र विवाद उत्कर्षमा पुगेपछि सचिवालयमा अध्यक्षद्वयले आरोप प्रत्यारोपसहित प्रस्तावहरु पेश गरेका छन् ।
प्रचण्डको प्रस्तावमा छलफल हुन नसक्ने बताउँदै ओलीले हिजोको बैठकमा यस्ता बैठकको काम छैन भनेर अभिव्यक्ति दिएका थिए । यसअघि दिउँसो एक बजेका लागि तय भएको बैठक महासचिव विष्णु पौडेलको आपतकालीन बैठकका कारण एक घन्टापछि सरेको थियो ।
