सांसदलाई दसैँ भत्ता दिनुभन्दा भेन्टिलेटर किनौँ : जनार्दन शर्मा
नेपाल कम्पुनिष्ट पार्टी (नेकपा)का नेता तथा प्रतिनिधिसभाका सांसद जनार्दन शर्मा ‘प्रभाकर’ले कोरोना महामारीको समयमा सांसदलाई दसैं भत्ता बाड्ने पैसाले भेन्टिलेटर किन्न आग्रह गरेका छन्।
आइतबार उनले सामाजिक सञ्जाल फेसबुकमा लेखेका छन्, ‘कोरोना महामारी हाम्रो मुख्य समस्या हो। यस्तो वेला दसैँ भत्ता सांसदलाई दिनुभन्दा भेन्टिलेटर किनौँ।’
साथै उनले आफूले दसैँ भत्तास्वरूप पाएको रकम आएको रकम कालिकोटका पूर्वजनमुक्ति सेनाका योद्धा नरेन्द्र बोहरालाई हस्तानतरण गर्ने बताएका छन्। उनको भेन्टिलेटरमा राखेर उपचार भइरहेको छ।
महामारीको समयमा जनताले अक्सिजनका लागि संघर्ष गर्नुपर्दा सांसदहरूले दसैँ मनाउन नियमित तलब र सुविधाबाहेक तीन करोड सात लाख ५४ हजार चार सय १० रुपैयाँ भत्ता लिएको तथ्य सार्वजनिक भएपछि यसको विरोध सुरु भएको छ।
