नेपालमा संक्रमितको संख्या ४१,६४९ पुग्यो
नेपालमा पछिल्लो २४ घण्टामा थप एक हजार १२० जनामा कोरोना भाइरस संक्रमण पुष्टि भएको छ ।
देशका विभिन्न प्रयोगशालामा गरिएको परीक्षणका क्रममा थप १,१२० जनामा संक्रमण पुष्टि भएको स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले जानकारी दिएका छन् । योसहित नेपालमा कोरोना संक्रमितको संख्या ४१ हजार ६४९ पुगेको छ ।
आज (बुधबार) काठमाडौंमा ३५०, ललितपुरमा २९ र भक्तपुरमा ९ संक्रमित थपिएका छन् । देशभर ७६१५ जना होम आइसोलेसनमा रहेको मन्त्रालयले जनाएको छ ।
पछिल्लो २४ घण्टामा थप एक हजार ११२ जना कोरोना संक्रमणमुक्त भएका छन् । योसहित नेपालमा हालसम्म २३ हजार २९० उपचारपछि निको भएका छन् ।
