बंगलामुखि बचत तथा ऋण सहकारी संस्थाको आफ्नै भवन बन्ने
बंगलामुखि बचत तथा ऋण सहकारी संस्था राप्ती २ को आफ्नै भवन बन्ने भएको छ। २०६७ साल श्रावण ७ गते प्रकाश सिवाकोटीको अध्यक्षतामा स्थापन भएको सो संस्थाले राप्ती नगरपालिका वडा नम्बर १,२ र ३ नै आफ्नो सेवाक्षेत्रको रुपमा बिस्तार गर्दै आएको छ । एक हजार एक सय भन्दा माथी शेयर सदस्य रहेको सहकारी संस्थाले बार्सिक ५ करोड सम्मको कारोबार गर्दै आएको र शेयर पुजि ६० लाख रहेको संस्थाका सचिब रोमान्च डल्लाकोटिले बताउनु भयो ।
संस्थाको आफ्नै जग्गा २ कठ्ठा ५ धुर क्षेत्रफलमा निर्माणधिन एक तले भवन ७ कोठाको रहने, त्यसका लागि ३० देखि ३५ लाख सम्म खर्च हुने र अबको ३ देखि ४ महिना भित्रमा भवन निर्माण कार्य सम्पन्न गरिने सहकारी संस्थाका ब्यबस्थापक राजन पाण्डेले बताउनु भयो । सहकारीले छोटो समयमा उल्लेखनीय प्रगती गर्दै आम शेयर धनिको हितमा काम गर्दै आएको समिति सम्योजक भुवनराज रुवालिले बताए ।हाल सो संस्थाको अध्यक्ष रुद्र प्रसाद बर्तौलाले हुनुहुन्छ ।
