नेकपा सचिवालय बैठक स्थगित
निबारका लागि तय भएको सत्तारुढ नेपाल कम्युनिष्ट पार्टी (नेकपा) को सचिवालय वैठक स्थगित भएको छ ।
‘भोलि (शनिबार) का लागि तय भएको बैठक स्थगित भएर १८ गतेलाई डाकिएको छ,’ पूर्व प्रधानमन्त्री तथा सचिवालय सदस्य झलनाथ खनालले भने । बैठक स्थगित गर्नुको कारण भने खुलाइएको छैन ।
शनिबारको बैठक स्थगित भएको जानकारी सदस्यहरुलाई आज (शुक्रबार) दिइएको हो । दुई अध्यक्षद्वारा गठन गरी पछि सचिवालयले अनुमोदन गरेको कार्यदलले दिएको प्रतिवेदनसँगै पार्टीको विवाद साम्य भएर सचिवालय बैठक बस्न लागेको अनुमान भइरहेका बेला शनिबारको बैठक पनि स्थगित भएको छ ।
पार्टी महासचिव विष्णु पौडेल नेतृत्वको ६ सदस्यीय कार्यदलले दिएको सुझावलाई दुई अध्यक्षले आवश्यक ठाने परिमार्जन गरी सो प्रतिवेदनलाई सचिवालय र स्थायी कमिटी बैठकमा समेत पेश गर्ने र त्यहाँ छलफल हुने जनाइएको थियो ।
