कुन देशबाट कहिले हुनेछ उडान ?
कोरोना भाइरसको संक्रमणका कारण विदेशमा रोकिएका नेपाली नागरिकको उद्धारका सिलसिलामा सोमबारबाट पाँचौ चरणको उद्धार सुरु हुँदैछ । अगष्ट ३१ तारीखसम्म ४० भन्दा बढी उडानबाट नेपालीलाई घर ल्याइँदैछ ।
वायुसेवा कम्पनीहरुका अनुसार राष्ट्रिय ध्वजाबाहक नेपाल एयरलाइन्सले यो बीचमा १७ उडान गर्दैछ । हिमालय एयरलाइन्सले १५ वटा उडानको अनुमति पाएको छ । अन्य विदेशी एयरलाइन्सले ११ वटा उडानको अनुमति पाएका छन् ।
नेपाल नागरिक उड्डयन प्राधिकरणका अनुसार यूरोप र अमेरिकामा रोकिएका नेपालीलाई स्वदेश फर्काउन टर्कीस एयरलाइन्सले इस्तानबुलबाट अनुमति पाएको छ । यो बीचमा दक्षिण कोरियाबाट कोरियन एयरसमेत नेपाल आउने छ ।
सिल्क एयरले अष्टे्रलियाबाट नेपालीलाई काठमाडौं ल्याउने छ । यो बीचमा नेपाल एयरलाइन्स जापान पुगेर नेपालीलाई घर ल्याउने छ ।
सरकारले १५ भदौसम्म हुने उद्धार उडानको तयारी गरेको छ । १६ भदौबाट भने वयवसायिक उडान शुरु हुने मिति तोकिएको छ ।
मन्त्रिपरिषद्को निर्णय अनुसार नेपाल नागरिक उड्डयन प्राधिकरणले १६ भदौबाट आन्तरिक तथा बाहृय उडान हुने निर्णय भएको परिपत्र सबै वायुसेवा कम्पनीलाई गराइसकेको छ । सरकारले १ भदौबाट नै व्यवसायिक उडान खोल्ने घोषणा गरेको थियो ।
तर, मुलुक भित्र संक्रमण बढेको निष्कर्ष निकाल्दै सरकारको व्यवसायिक उडान रोकेको हो ।
कहिले कहाँबाट कुनै वायुसेवाको उडान ?
| मिति | नेपाल एयरलाइन्स | हिमालय एयरलाइन्स | विदेशी एयरलाइन्स |
| १ भदौ | दुबई (यूएई) | क्वालालाम्पुर | फ्लाइ दुबइ (यूएई) |
| २ भदौ | दोहा (कतार) | दोहा (कतार) | टर्किस एयरलाइन्स (इस्तानबुल) |
| ३ भदौ | क्लावालाम्पुर, मलेसिया (२) | क्वालालाम्पुर | |
| ४ भदौ | जेद्दा (साउदी अरव) | दमाम (साउदी अरब) | फ्लाइ दुबई (यूएई) |
| ५ भदौ | दुबई (यूएई) | क्वालालाम्पुर (मलेसिया) | मालिन्दो एयर (मलेसिया) |
| ६ भदौ | कुवेत | कुवेत | जजिरा एयरवेज (कुवेत) |
| ७ भदौ | दमाम (साउदी अरव) | दमाम (साउदी अरव) | |
| ८ भदौ | दोहा (कतार) | दोहा (कतार) | कोरियन एयर (दक्षिण कोरिया) |
| ९ भदौ | दुबई (यूएई) | आवुधावी (यूएई) | एयर अरेविया, सारजहाँ (यूएइ) |
| १० भदौ | रियाद (साउदी अरब) | दमाम (साउदी अरब) | कतार एयरवेज |
| ११ भदौ | दुबई (यूएई) | अबुधावी (यूएई) | इत्तिहाद एयर, आवुधाबी (यूएई) |
| १२ भदौ | रियाद (साउदी अरब) | दमाम (साउदी अरब) | |
| १३ भदौ | दुबई (यूएई) | अवुधावी (यूएई) | सिल्क एयर (अष्ट्रेलिया) |
| १४ भदौ | दोहा १, जापान १ | दोहा (कतार) | |
| १५ भदौ | दुबई (यूएई) | अबुधावी (यूएई) | एयर अरेबिया (सारजहा), यूएई |
