राखेप उपाध्यक्षमा शिव कोइराला “ज्वाला”
मन्त्रिपरिषद्को बैठकले राष्ट्रिय खेलकुद परिषद्को उपाध्यक्षमा शिव कोइराला ज्वालालाई नियुक्त गरेको छ । २०५४ सालमा पुर्णकालिन छापामार माओवादी भएका शिव कोइराला ज्वाला स्याडजाको भिरकोटमा जन्मेका हुन । पूर्वमाओवादी केन्द्रसम्बद्ध खेलकुद महासंघका अध्यक्ष शिव कोइराला ‘ज्वाला’ खेलकुद पृष्टभूमिकै हुँन । कोइराला यसपटक राखेपको उपाध्यक्षमा नियुक्त भएका छन् ।
कोइराला तत्कालिन वाइसियल काठमाण्डौका अध्यक्ष पनि हुन । उनी पार्टी अध्यक्ष प्रचण्डको हार्डकोर टिमभित्रका मानिन्छन् । सैन्य पृष्ठभूमि हुँदै शान्ति प्रक्रियालगत्तै काठमाडौंको वाइसिएल नेतृत्व गरेका उनी पहिल्यैदेखि खेलाडी तेक्वान्दोका ५ डन पनि हुन । अहिले पनि राष्ट्रिय खेलकुद परिषद्अन्तर्गत नेपाल तेक्वान्दो संघमा अध्यक्ष छन् ।
कोइरालाले १३ औं दक्षिण एसियाली खेलकुद सागमा प्रचार प्रसार विभागको संयोजकका रुपमा भूमिका निर्वाह गरेका थिए । पश्चिमका बिभिन्न लडाईहरुमा कमाण्डर भएर भुमिका र्निवाह गरीसकेका तत्कालीन भ्याली एस.टि.एफको भुमिका पनि निभाएका थिए । हाल उनि नेकपा पार्टी प्रदेश कमिटी सदस्य पनि छन । हाल उनि नेकपा खेलकुद महाँसघको सह सयोजक पनि हुन । कोईरालालाई शालिन सोच भएका युवा नेताको रुपमा पनि चिनिन्छ ।
