मन्त्री भट्टराईले भने : सरकारको निर्णय इतिहासमा स्वर्ण अक्षरले लेखिन्छ
संस्कृति पर्यटन तथा नागरिक उड्डयनमन्त्री योगेश भट्टराईले लिम्पियाधुरासम्मको भारतबाट अतिक्रमित नेपाली भूमि समेटेर नक्सा जारी गर्ने मन्त्रिपरिषद्को निर्णय इतिहासमा स्वर्ण अक्षरले लेखिने बताएका छन् । बैठकलगत्तै उनले सामाजिक सञ्जालमा त्यस्तो टिप्पणी गरेका हुन् ।
‘आज नेपाल सरकारको मन्त्रिपरिषद्को निर्णय इतिहासको पानामा सुवर्ण अक्षरले त लेखिने नै छ । आजको मिति र निर्णय युगयुगसम्म हाजिरीजवाफमा सोधिने प्रश्नका रूपमा पनि अमर भइरहनेछ । धन्यवाद प्रम केपी शर्मा ओली’ मन्त्री भट्टराईले सामाजिक सञ्जालमा लेखेका छन् ।
