मेयर महतोले एकै दिन गरे तीन ओटा ईनारको शिलान्यास
४४ ओटा कलकारखाना र आवस्यक कलकारखाना खोलेर सरकारले लकडाउन खुकुलो पार्नसाथ धनुषाको मिथिला नगरपालिकाले विकास निर्माणलाई तिब्र पारेको छ । चालु आर्थिक बर्ष सकिन लागेकाले पनि विकास निर्माणलाई तिब्र पारिएको हो । सरकारले लकडाउन खुकुलो पारेकै भोलिपल्ट मिथिला नगरपालिकाका मेयर हरिनारायण महतोले ३ नम्बर वडामा मात्रै एकै दिन सिँचाईका लागि निर्माण प्रारम्भ गरिएको ३ ओटा ईनारको शिलान्यास गरे ।
नगरपालिकाले २ लाख ५० हजार लागतका दरले निर्माण प्रारम्भ गरिएको ३ ओटै ईनारमा जनश्रमदान स्वरुप स्थानिय जनताले ५ प्रतिशत रकम ईनार निर्माणमा लगाउनेछन् । टण्टलापुर घाममा मेयर महतोले गरेको ईनार शिलान्याशलाई वडाध्यक्ष देव नारायण महतोले साथ दिएका थिए भने स्थानिय भद्रभलाद्मी र बुढापाखा अनि महिलाहरुको पनि उपस्थिती थियो ।
सामाजिक दुरी कायम गरिएर ईनार शिलान्यास गरिएको थियो । चालु आर्थिक बर्षमा मिथिलना नगरपालिकाले सिँचाई र खानेपानीको गरि नगरपालिकाभरी १ सय ईनार निर्माण गर्ने योजना अनुसार तीन ओटा ईनारहरुको शिलान्यास गरिएको मेयर महतोले बताए । मेयर महतोले भने , सिँचाई र खानेपानीको गरि नगरपालिकाको लगानीमा एक सय ईनार बनिसकेको छ । वडाहरुको लगानीमा पनि धेरै ईनारहरु बनेकाछन् ।
